சி.எஸ்.கே. அணியின் கேப்டன் தோனி 5 மாதங்களுக்குப் பிறகு கிரிக்கெட் விளையாட வந்துள்ள நிலையில், ’வெல்கம்தோனி – என்ற ஆஷ்டாக் டுவிட்டர் டிரெண்டிங்கில் உள்ளது.
சென்னை சூப்பர் கிங்க்ஸ் அணியின் தற்போதைய அணித் தலைவரும் இந்திய கிரிக்கெட் அணியின் முன்னாள் தலைவருமான தோனி கடந்த ஆண்டு நவம்பர் மாதம் முதல் கிரிக்கெட் போட்டிகளில் விளையாடாமல் இருந்தார். இதனால் தோனியின் ரசிகர்கள் அவர் எப்போது மீண்டும் களத்துக்கு வருவார்? – என்ற எதிர்பார்ப்பில் இருந்தனர்.
இந்நிலையில் இன்று மும்பையில் நடைபெறும் ஐ.பி.எல். இரண்டாவது போட்டியில் சென்னை அணியின் தலைவராக தோனி மீண்டும் களம் திரும்பி உள்ளார். இதனையடுத்து ‘welcomedhoni’ என்ற ஆஷ்டாக் விளையாட்டுப் பிரிவில் டுவிட்டரில் இந்திய அளவில் டிரெண்டாகி வருகின்றது. தோனியை டுவிட்டரில் 82 லட்சம் பேர் பின் தொடர்ந்து வருகின்றனர் என்பது குறிப்பிடத்தக்கது.
- நமது நிருபர்.