எம்ஜிஆர் நடித்த உலகம் சுற்றும் வாலிபன் படம் மீண்டும் தியேட்டரில் வெளியாகியுள்ளதால் அவரது ரசிகர்கள் தியேட்டரை நோக்கி படையெடுத்து வருகின்றனர்.
கொரோனா இரண்டாம் அலை தாக்கத்தால் தமிழகம் முழுவதும் 4 மாதங்களாக மூடப்பட்ட தியேட்டர்கள் கடந்த வாரம் திறக்கப்பட்டன.
ஆனால் விநாயகர் சதுர்த்தி முதலே புதுப்படங்கள் வெளியாக உள்ள நிலையில், தமிழகத்தில் உள்ள அனைத்து தியேட்டர்களிலும் பழைய திரைப்படங்களை தற்போது ரீ ரிலீஸ் செய்து வருகின்றனர்.
அந்த வகையில் எம்ஜிஆர் நடிப்பில் உருவாகி மாபெரும் வெற்றி பெற்ற உலகம் சுற்றும் வாலிபன் திரைப்படம் மீண்டும் வெளியாகியுள்ளது.
அதனை எம்ஜிஆர் ரசிகர்கள் பட்டாசுகளை வெடித்தும் எம்ஜிஆரின் பதாகைகளுக்கு பால் அபிஷேகம் செய்ததும் கொண்டாடி வருகின்றனர்.
எம்ஜிஆர் மறைந்து 35 ஆண்டுகள் ஆன நிலையிலும் அவரது திரைப்படத்தை திரையில் காண மக்கள் குவிந்து வருவது திரையுலகினர் மத்தியில் ஆச்சரியத்தை ஏற்படுத்தியுள்ளது.