ஆப்கனை விட்டு வெளியேறும் மக்கள் – விமானத்தில் தொங்கிக்கொண்டு செல்லும் அவலம்

ஆப்கானிஸ்தானை விட்டு வெளியேற விமானத்தில் தொங்கியபடி மக்கள் செல்லும் காட்சிகள் உலக நாடுகளை அதிர்ச்சிக்குள்ளாக்கியுள்ளது.

ஆப்கானிஸ்தானிலிருந்து நேட்டோ படைகளும், அமெரிக்கப் படைகளும் வெளியேறத் தொடங்கியபின் தாலிபான்கள் பல்வேறு மாகாணங்களை படிப்படியாக கைப்பற்றி வந்த நிலையில் நேற்று தலைநகரை கைப்பற்றி ஆட்சியை பிடித்தனர்.இந்நிலையில், ஆப்கன் நாட்டை விட்டு வெளியேறுவதற்காக அந்நாட்டு மக்கள் மற்றும் பிற நாட்டு மக்கள் பலர் காபூல் விமான நிலையத்தில் குவிந்துள்ளனர்.

விமானங்கள் அனைத்திலும் முந்திக்கொண்டு ஏறுவதால் நிலைமை கை மீறியுள்ளது. இதனையடுத்து அங்கு மக்கள் மீது இன்று காலை துப்பாக்கிச்சூடு நடத்தப்பட்டது. இதில் 3 பேர் பலியாகினர்.

இதனிடையே காபூல் விமான நிலையத்திலிருந்து புறப்பட்ட அமெரிக்க விமானத்தில் இடம் கிடைக்காததால் வெளிபுறத்தில் ஏறிக்கொண்டனர். ஆனால் விமானம் வானில் புறப்பட்டு சென்ற போது அதன் சக்கரத்தில் தொங்கிக் கொண்டு சென்ற 3 பேர் மேலிருந்து கீழே விழும் காட்சிகள் பதைபதைப்பை ஏற்படுத்தியுள்ளது. இதன் வீடியோ இணையத்தில் வைரலாகி வருகிறது.