தங்களுக்கான உரிமையை வழங்கக்கோரி, ஆப்கான் பெண்கள் சிலர் சாலையில் இறங்கி போராட்டம் நடத்திய வீடியோ வைரலாகி வருகிறது.
ஆப்கானிஸ்தானை தலிபான்கள் கைப்பற்றியுள்ளதால், அங்கு பதற்றமான சூழலே நிலவுகிறது. இதனிடையே அங்கு வசிக்கும் ஆப்கான் பெண்கள் சிலர், பர்தா அணிந்தபடி கையால் எழுதப்பட்ட பதாகைகளுடன் சாலையில் போராட்டம் நடத்தியுள்ளனர்.
அதில் தங்களுக்கான உரிமைகளாக சமூக பாதுகாப்பு, கல்வி, அரசியல் மற்றும் பணியாற்றுவதற்கான அனுமதி ஆகியன வழங்கப்பட வேண்டும் என கோரிக்கை விடுத்துள்ளனர்.
இந்த போராட்டத்தின்போது, அங்கு தலிபான் போராளிகள் சிலரும் துப்பாக்கியுடன் வாகனத்தில் நின்றிருந்த காட்சிகளும் வெளியாகியுள்ளன.
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்