தமிழகத்தில் இவ்வளவு பேருக்கு டெல்டா வகை கொரோனா பாதிப்பா? அதிர்ச்சி தகவல் வெளியிட்ட சுகாதாரத்துறை

தமிழகத்தில் இதுவரை 386 பேருக்கு உருமாற்றம் அடைந்த டெல்டா வகை கொரோனா தொற்று இருப்பதாக தமிழக சுகாதாரத் துறை தெரிவித்துள்ளது.

தமிழக சுகாதாரத் துறையின் சார்பில் தமிழகத்தில் தற்போது நிலவும் கொரோனோ இரண்டாவது அலை பரவல் மற்றும் அதன் தாக்கம் குறித்து சுகாதாரத் துறை வல்லுனர்கள் சார்பில் பல்வேறு ஆய்வுகள் மேற்கொள்ளப்பட்டு வருகின்றன.

அதன்படி தமிழக பொது சுகாதாரத்துறை இயக்குனர் டாக்டர் செல்வவிநாயகம் தலைமையில் மேற்கொள்ளப்பட்ட இந்த ஆய்வின் முடிவுகள் வெளியாகியுள்ளன.

அதன்படி இதுவரை 386 பேருக்கு உருமாற்றம் அடைந்த டெல்டா வகை கொரோனா தொற்று இருப்பதாக தெரிவிக்கப்பட்டுள்ளது.

இதில்,70 சதவீதம் B.1.617.2 என்ற டெல்டா வகை உருமாறிய கொரோனோ கண்டறியப்பட்டுள்ளது.

இது தவிர B.1.1.7 என அழைக்கப்படும் ஆல்பா வகை கொரோனோ 47 மாதிரிகளில் கண்டறியப்பட்டுள்ளது..

அதில் 12 வயதுக்கும் மேற்பட்டோரிடையே டெல்டா வகை கொரோனோ 81% மற்றும் 12 வயதுக்கும் குறைவான குழந்தைகளிடையே 19% கண்டறியப்பட்டுள்ளது.

சமூகப் பரவல் அடிப்படையில் மேற்கொள்ளப்பட்ட ஆய்வில் 30% மற்றும் குடும்ப பரவல் அடிப்படையில் 23% டெல்டா வகை கொரோனோ கண்டறியப்பட்டுள்ளதாக ஆய்வில் தெரியவந்துள்ளது

இதில், 12வயதுக்குட்பட்ட 96 குழந்தைகளும் அடங்குவர். இதில் 73 குழந்தைகள் டெல்டா வகை தொற்றால் பாதிக்கப்பட்டிருப்பதாக தெரியவந்துள்ளது

மேலும் 66 நபர்களுக்கு தடுப்பூசி செலுத்தியவர்கள் என்ற அடிப்படையில் மேற்கொள்ளப்பட்ட பரிசோதனையில் 55 நபர்கள் டெல்டா நபர்கள் டெல்டா வகை தொற்றால் பாதிக்கபட்டிருப்பது தெரியவந்துள்ளது.