தென்கொரியாவில் பூனை ஒன்று தனது கால்களால் நம்பர் லாக் போட்டு வீட்டை திறந்து உணவு திருடும் வீடியோ வைரலாகி வருகிறது.
முன்பெல்லாம் வீட்டில் பூனை வளர்க்க அதிக நாட்டம் காட்டமாட்டார்கள், ஆனால் தற்போது பணம் கொடுத்து பூனை வாங்கி வளர்க்கும் வழக்கம் வந்துவிட்டது.
பூனை செய்யும் சேட்டைகளை வீடியோவாக எடுத்து இணையத்தில் பதிவிட்டு வருகின்றனர். அந்த வகையில் பூனை ஒன்று தனது கால்களால் நம்பர் லாக் போட்டு வீட்டை திறக்கும் வீடியோ வெளியாகி உள்ளது.
அந்த வீடியோவில், தென் கொரியாவை சேர்ந்த ஒருவர் வீட்டை நம்பர் லாக் பூட்டில் பூட்டி விட்டு வெளியே செல்கிறார்.
இதையடுத்து பூனை ஒன்று, வீட்டின் உரிமையாளர் போட்ட நம்பர் லாக்கை தனது காலால் அழுத்தி வீட்டை திறந்து உள்ளே செல்கிறது.
பின்னர் வீட்டில் இருக்கும் உணவுகளை தேடி சாப்பிடுகிறது. இந்த நிகழ்வு குறித்து பேசிய வீட்டின் உரிமையாளர், பல முறை பூனையை விரட்டினாலும் மீண்டும் மீண்டும் தனது வீட்டிற்கு வரும் அந்த பூனை தங்களது தெருவில் சுற்றித்திரிவதாக தெரிவித்தார்.
பூனையின் தொந்தரவு தாங்காமல் டோர் லாக் கருவியில் லேமினேஷன் பேப்பரை போட்டபோது, அந்த பூனை அதையும் கிழித்துவிட்டதாக நகைப்புடன் தெரிவித்தார்.