தமிழக முதல்வர் ஸ்டாலின் சைக்கிள் பயணம் மேற்கொண்டது சமூக வலைத்தளங்களில் பேசு பொருளாகியுள்ளது.
தமிழ்நாடு முதல்வராக மு.க.ஸ்டாலின் பதவியேற்பதற்கு முன்பு, வாரந்தோறும் ஞாயிற்றுக்கிழமைகளில் கடற்கரை சாலையில் சைக்கிள் பயணம் மேற்கொண்டு உடற்பயிற்சி செய்வார்.
அந்த சமயங்களில் எந்த ஒரு பாதுகாப்பும் இல்லாமல் சைக்கிளில் பயணம் செய்து பொதுமக்களுடன் பேசுவதைஅவர் வாடிக்கையாக கொண்டிருப்பார்.
இந்நிலையில் தற்போது தமிழ்நாட்டின் முதல்வராக பதவியேற்ற பின்னர் முதல் முறையாக இன்று ஸ்டாலின் சைக்கிள் பயணம் மேற்கொண்டார்.
அவர் பயணம் செய்த இடங்களில் வழிநெடுக காவல் துறையினர் பின்தொடர்ந்து வந்து பாதுகாப்பு அளித்தனர்.
அதே சமயம் சைக்கிள் பயணம் செய்யும் போதுன் அங்கு உள்ள பொதுமக்களிடம் நலம் விசாரித்தார் இதைத் தொடர்ந்து மாமல்லபுரம் வந்த ஸ்டாலின், அங்குள்ள நட்சத்திர ஓட்டலில் தங்கி ஓய்வெடுத்தார்.