தமிழக பட்ஜெட் கூட்டத் தொடர் ஆகஸ்ட் 13ஆம் தேதி நடைபெறும் என அறிவிக்கப்பட்டுள்ளது
தமிழக அமைச்சரவை கூட்டம் இன்று கூடியது.
இந்த கூட்டத்தில் பட்ஜெட் கூட்டத் தொடர் உள்ளிட்ட விவகாரங்கள் தொடர்பாக ஆலோசிக்கப்பட்டது.
2 மணிநேரத்திற்கு மேலாக நடைபெற்ற இந்த கூட்டத்தில் தமிழக சட்டப்பேரவைக் கூட்டத் தொடர் குறித்த அறிவிப்பு வெளியானது.
ஆகஸ்ட் 13ஆம் தேதி தமிழக சட்டப்பேரவையில் பட்ஜெட் தாக்கல் செய்யப்படுவதாக சட்டப்பேரவை செயலர் சீனிவாசன் அறிவித்துள்ளார்.
தமிழக அரசின் நிதிநிலை அறிக்கையை, நிதியமைச்சர் பி.டி.ஆர். பழனிவேல் தியாகராஜன் தாக்கல் செய்ய உள்ளார்.
தமிழக முதல்வராக மு.க. ஸ்டாலின் பதவியேற்ற பிறகு, முதல் முறையாக தமிழக அரசின் நிதிநிலை அறிக்கை ஆகஸ்ட் 13ஆம் தேதி தாக்கல் செய்யப்பட உள்ளது.
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்