பாலியல் புகாரில் சிக்கி சர்ச்சையான சிவசங்கர் பாபா கைதாக இருந்த நிலையில் உத்தராகண்ட் தனியார் மருத்துவமனையில் சிகிச்சை பெற்று வந்த நிலையில் அங்கிருந்து தப்பியோடியுள்ளார்.
சென்னையை அடுத்த கேளம்பாக்கத்தில் உள்ள சுஷில் ஹரி பள்ளியின் நிறுவனர் சிவசங்கர் பாபா, பள்ளி மாணவிகளிடம் பாலியல் அத்துமீறலில் ஈடுபட்டதாக குற்றச்சாட்டு எழுந்தது.
அவர் மீது போக்சோ சட்டத்தின் கீழ் வழக்கு பதியப்பட்டு வழக்கானது சி.பி.சி.ஐ.டி வசம் சென்றது
இந்த நிலையில்உத்தராகண்ட் மாநிலம் டேராடூனில் உள்ள மருத்துவமனையில் சிவசங்கர் பாபா சிகிச்சை பெற்று வருவதாக போலீசாருக்கு தகவல் கிடைத்தது.
இதனைத்தொடர்ந்து சிவசங்கர் பாபாவை கைது செய்ய சிபிசிஐடி டிஎஸ்பி குணவர்மன் தலைமையிலான தனிப்படையினர் நேற்று டேராடூன் விரைந்தனர்.
ஆனால், இன்று காலை சிபிசிஐடி போலீசார் டேராடூனில் உள்ள மருத்துவமனைக்கு சென்றபோது சிவசங்கர் பாபா அங்கிருந்து தப்பிச்சென்றது தெரியவந்துள்ளது.
ஏற்கெனவே சிவசங்கர் பாபா வெளிநாடுகளுக்கு செல்லாமல் இருக்க சிபிசிஐடி போலீசார் அவுட் நோட்டீஸ் அனுப்பியுள்ளனர். ஆகவே சிவசங்கர் பாபா தனக்கு சொந்தமான ஆசிரமங்களில் மறைந்திருக்கலாம் என்ற கோணத்தில் காவல்துறையினர் தேடி வருகின்றனர்.