பெட்ரோல் விலை தொடர்ந்து உயர்ந்து வரும் நிலையில் இணையத்தில் பொதுமக்களின் புகைப்படங்கள் சில வைரலாகியுள்ளன.
சர்வதேச சந்தையில் நிலவும் கச்சா எண்ணெய் விலைக்கேற்ப இந்தியாவில் பெட்ரோல், டீசல் விலையை எண்ணெய் நிறுவனங்களே நிர்ணயித்துக்கொள்ள மத்திய அரசு அனுமதி அளித்துள்ளது.
அதன்படி தினந்தோறும் நிர்ணயிக்கப்படும் பெட்ரோல் டீசல் விலை நாளுக்கு நாள் உயர்வை சந்தித்து வருகிறது.
இது பொதுமக்களிடையே கடும் அதிருப்தியை ஏற்படுத்தி உள்ள நிலையில் இணையத்தில் வெளியாகி உள்ள சில படங்கள் மக்களுக்கு பிரதமர் மோடி தலைமையிலான ஆட்சி மீதான கோபத்தை வெளிப்படுத்தும் வகையில் அமைந்துள்ளது.
பெட்ரோல் நிலையங்களில் வைக்கப்படும் விளம்பர போர்டுகளில் பிரதமர் மோடி கைகூப்பியபடி வணக்கம் தெரிவிக்கும் புகைப்படங்கள் இடம்பெற்றிருக்கும்.
அதற்கு பதில் வணக்கம் வைக்கும் மக்கள், “உங்களுக்கும் உங்கள் ஆட்சிக்கும் ஒரு கும்பிடு” என்ற வசனத்தை சொல்லாமல் சொல்லும் விதத்தில் அவை அமைந்துள்ளது.