மம்தா பானர்ஜியை சோசியலிசம் திருமணம் செய்துகொள்வதாக உலா வரும் திருமண பத்திரிக்கை இணையத்தில் வைரலாகி வருகிறது.
சேலத்தை சேர்ந்த மம்தா பேனர்ஜி என்ற பெண்ணுக்கும் சோசியலிசம் என்பவருக்கும் ஜூன்13ஆம் தேதி திருமணம் நடைபெறவுள்ளதாக அண்மையில் திருமண பத்திரிகை ஒன்று இணையத்தில் வெளியானது.
இது தொடர்பாக மணமகனின் தந்தையான மோகன் என்பவரை தொடர்பு கொண்டு, சோசியலிசம் என்று பெயரிட்டதற்கான காரணத்தை கேட்டுள்ளனர். அதற்கு விளக்கம் அளித்த தந்தை, தங்களது பரம்பரை கம்யூனிசத்தின் மீது தீராத பற்றுடையவர்கள் என்று கூறியுள்ளார்.
கம்யூனிசம் மீதான பற்றின் காரணமாகவே தனது மகன்களுக்கு லெலினிசம், சோசியலிசம் என பெயர் வைத்ததாகவும் அவர் கூறினார்.மேலும் தான் வசிக்கும் பகுதியில் பலருக்கு ரஷ்யா, மாஸ்கோ, செக்கோசிலேவேக்கியா, ரொமேனியா உள்ளிட்ட பெயர்களும் இருப்பதாக கூறினார்.
- மூவேந்தன்
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்