கிசான் திட்டத்தின் அடுத்த தவணை நிதியான ரூ.19, 500 கோடியை பிரதமர் மோடி இன்று விடுவிக்கிறார்.
பிரதமர் கிசான் திட்டத்தின் கீழ் தகுதி வாய்ந்த விவசாயிகளுக்கு 4 மாதங்களுக்கு ஒரு முறை 2,000 வீதம் 3 தவணையாக ஆண்டுக்கு மொத்தம் 6,000 ரூபாய் நிதியுதவி வழங்கப்படும்.
இந்த நிதியுதவி விவசாயிகளின் வங்கி கணக்கில் நேரடியாக பரிமாற்றம் செய்யப்படும். இந்த திட்டத்தில் இதுவரை சுமார் ஒன்றரை லட்சம் கோடி நிதி உதவியானது, விவசாய குடும்பங்களின் வங்கி கணக்கில் நேரடியாக செலுத்தப்பட்டுள்ளது.
இந்நிலையில், பிரதமர் கிசான் திட்டத்தின் கீழ் அடுத்த தவணை தொகையான, 19,500 கோடி ரூபாயை பிரதமர் மோடி இன்று காணொலி காட்சி வாயிலாக விடுவிக்க உள்ளார்.
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்