ஜஸ்ட் டயல் நிறுவனத்தின் 40 சதவீத பங்குகளை ரிலையன்ஸ் ரீடெய்ல் நிறுவனம் கைப்பற்றியுள்ளது.
ரிலையன்ஸ் இண்டஸ்ட்ரீஸ் லிமிடெட் நிறுவனத்தின் சில்லறை நிறுவனமானது ரிலையன்ஸ் ரீடெய்ல். ரிலையன்ஸ் ரீடெய்ல் நிறுவனத்தின் தலைமை செயல் அதிகாரியாக இருப்பவர் முகேஷ் அம்பானி.
ரிலையன்ஸ் ரீடெய்ல் நிறுவனத்தின் வர்த்தகத்தை தொடர்ந்து பல துறைகளில் விரிவாக்கம் செய்து வருகிறார் முகேஷ் அம்பானி. அதன் ஒரு பகுதியாக லோக்கல் சர்ச் இன்ஜின் மற்றும் விற்பனையாளர்கள் டேட்டாபேஸ் நிறுவனமான ஜஸ்ட் டயல் நிறுவனத்தின் சுமார் 3 ஆயிரத்து 947 கோடி மதிப்பிலான, 40.95% பங்குகளை ரிலையன்ஸ் ரீடெய்ல் வாங்கியுள்ளது.
மேலும் 26 சதவீத பங்குகளை நிறுவன கைப்பற்றல் விதிகள் கீழ் செபி ஒப்புதல் அளித்த பின் வாங்க உள்ளதாகவும் ரிலையன்ஸ் ரீடைல் தரப்பில் தெரிவித்துள்ளது.
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்