அமேசான் நிறுவன தலைவர் ஜெஃப் பெஸாஸ் விண்வெளிக்கு பயணிக்க உள்ளதாக தகவல் வெளியாகி உள்ளது.
அவரின் ‘Blue Origin’ நிறுவனம் விண்வெளிக்கு முதல் முறையாக மனிதர்களை அனுப்ப உள்ள நிலையில், அந்த முதல் பயணத்தில்தான் ஜெஃப் பெஸாஸ் பயணிக்க உள்ளார்.
வரும் ஜூலை 20 ஆம் தேதி இந்த விண்வெளிப் பயணம் இருக்கும் என்றும், ஜெஃப் உடன் அவரது சகோதரர் மார்க் பெஸாஸ் மற்றும் பயணிப்பதற்கான ஏலத்தில் தேர்ந்தெடுக்கப்பட்டவர்கள் ஆகியோரும் பங்கேற்பார்கள் என கூறப்படுகிறது.
இதனை தனது இன்ஸ்டாகிராம் பக்கத்தில் ஜெஃப் பகிர்ந்துள்ளார்.
அந்த பதிவில் “ஐந்து வயதில் இருந்தே விண்வெளிக்கு பயணிக்க வேண்டுமென்ற பெருங்கனவு எனக்கு உள்ளது என்றும், அது மிகவும் சாகசம் நிறைந்த ஒன்றாக இருக்கும்” என்றும் அவர் கூறியுள்ளார்.
– மூவேந்தன்
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்