தமிழக காங்கிரஸ் கமிட்டியின் முன்னாள் தலைவர் திண்டிவனம் ராமமூர்த்தி உடல்நலக்குறைவால் இன்று காலமானார்.
தமிழக முன்னாள் காங்கிரஸ் தலைவராக இருந்த திண்டிவனம் ராமமூர்த்தி, பி்ன்னர் அந்த கட்சியில் இருந்து விலகி தமிழ்நாடு தேசியவாத காங்கிரஸ் கட்சித் தலைவராக இருந்தார்.
இதனிடையே, தமிழ்நாடு தேசியவாத காங்கிரஸ் கட்சித் தலைவர் பதவியில் இருந்து நீக்கப்பட்ட திண்டிவனம் ராமமூர்த்தி, தனி கட்சி ஒன்றை ஆரம்பித்தார்.
அப்போது அதிமுக பொதுச் செயலாளர் ஜெ.ஜெயலலிதாவை சந்தித்து தனது ஆதரவை தெரிவித்தார். சில மாதங்களிலேயே கட்சியை கலைத்துவிட்டு சரத்பவார் தலைமையிலான தேசியவாத காங்கிரஸ் கட்சியில் சேர்ந்தார். இதையடுத்து தேசியவாத காங்கிரஸ் கட்சியின் தமிழ்நாடு தலைவராக ராமமூர்த்தி அறிவிக்கப்பட்டார்.
இந்நிலையில் உடல்நலக்குறைவால் அவதிப்பட்டு வந்த அவர் இன்று காலை காலமானார்.
சென்னை கிழக்கு கடற்கரை சாலையில் உள்ள வீட்டில் வைக்கப்பட்டுள்ள திண்டிவனம் ராமமூர்த்தியின் உடலுக்கு அரசியல் தலைவர்கள் மற்றும் பொதுமக்கள் அஞ்சலி செலுத்தி வருகின்றனர்.