பப்ஜி மதனின் இன்ஸ்டாகிராம் பக்கத்தை கட்டுக்குள் கொண்டு வந்துள்ள சைபர் கிரைம் போலீசார், மாணவர்களுக்கு அறிவுரை வழங்கியுள்ளனர்.
தடை செய்யப்பட்ட பப்ஜி விளையாட்டை யூ-டியூப் சேனல் மூலம் நேரலை ஒளிபரப்பு செய்து, பெண்கள் குறித்து ஆபாசமாக பேசி வந்தார் மதன். இந்த நிலையில் மதன் மீது வழக்குப்பதிவு செய்து போலீசார் கைது செய்து சிறையில் அடைத்தனர்.
மேலும், மதனின் வங்கிக் கணக்குகளை முடக்கி, அவரின் சொகுசு கார்களையும் மத்திய குற்றப்பிரிவு போலீசார் பறிமுதல் செய்தனர். மேலும், இந்த விவகாரம் தொடர்பாக பப்ஜி மதனின் யூ-டியூப் சேனல்கள் மற்றும் இன்ஸ்டாகிராம் பக்கத்தையும் சைபர் கிரைம் போலீசார் தனது கட்டுக்குள் கொண்டு வந்தனர்.
இந்நிலையில் மதனின் இன்ஸ்டாகிராம் பக்கத்தில், மத்திய குற்றப்பிரிவு சைபர் கிரைம் போலீசார் இளைஞர்களுக்கும், மாணவர்களுக்கும் பப்ஜி-யை விடுத்து படிப்பில் கவனம் செலுத்த வேண்டும் என அறிவுரைகள் வழங்கியுள்ளனர். மேலும் தவறு செய்தால் தண்டிக்கப்படுவீர்கள் என்ற எச்சரிக்கையையும் காவல்துறை சார்பில் விடுக்கப்பட்டுள்ளது.