கொரோனா தொற்று பாதிப்பு குறைந்தவுடன் அம்மா மினி கிளினிக்குகள் திறக்கப்படும் என்று அமைச்சர் மா.சுப்பிரமணியன் தெரிவித்துள்ளார்.
ஊதிய உயர்வு கோரி அரசு மருத்துவர்கள் போராட்டம் நடத்தி வந்த நிலையில், மக்கள் நல்வாழ்வு துறை அமைச்சர் மா.சுப்பிரமணியன் மற்றும் பிற அதிகாரிகள் சென்னை எழும்பூரில் உள்ள தமிழ்நாடு அரசு மருத்துவமனை கழகத்தில் நேற்று அரசு மருத்துவர்களுடன் பேச்சுவார்த்தை நடத்தினர்.
பின்னர்,செய்தியாளர்களுடன் பேசிய அமைச்சர் மா.சுப்பிரமணியன்:
தமிழகத்தில் கொரோனா தொற்று வேகமாக குறைந்து வருகிறது.கொரோனா பாதிப்பு பூஜ்ஜியம் நிலையை எட்டும்போது அம்மா மினி கிளினிக்குகள் மீண்டும் திறக்கப்படும் – என தெரிவித்தார்.
அதுவரை பொது மக்கள் சமூக இடைவெளியினை கடைபிடிக்க வேண்டியது அவசியம் எனவும் அவர் கூறினார்.
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்