வெளியீட்டை நெருங்கியுள்ள ஒன் பிளஸ் 9 புரோ திறன்பேசியின் சிறப்பம்சங்கள் குறித்த விவரங்கள் வெளியாகி உள்ளன.
ஒன் பிளஸ் நிறுவனத்தின் அடுத்த ஆண்ட்ராய்டு திறன்பேசியான ஒன் பிளஸ் 9 புரோ வரும் ஏப்ரல் மாதம் 1ஆம் தேதி முதல் இந்தியாவில் விற்பனைக்கு வருகின்றது. 183 கிராம் எடை கொண்ட இந்த ஒன் பிளஸ் 9 புரோ திறன் பேசியின் முக்கிய அம்சங்கள் என்னென்ன? – பார்ப்போம்…
இதன் திரை 6.55 அங்குல அளவுள்ளது. முழு ஹெச்.டி.தரத்திலான புளூயட் எல்இடி திரை இது. பிக்சல்களில் இதன் பரப்பை 1,080×2,400 பிக்சல்கள் என்று கூறலாம். இதன் திரை விகிதம் 20: 9 ஆகும். கொரில்லா கிளாஸ் உள்ளதால் திரை எளிதில் உடையாது.
இது 8ஜி.பி ராம் மற்றும் 12 ஜி.பி. ராம் ஆகிய இருவகை ராம்களோடு உருவாக்கப்பட்டுள்ளது.128 ஜி.பி மற்றும் 256 ஜி.பி ஆகிய இரண்டு வகை நினைவகங்களும் உள்ளன.
ஆண்ட்ராய்டு 11யை அடிப்படையாகக் கொண்டு உருவாக்கப்பட்ட ஆக்சிஜன் ஓஎஸ் 11 இயங்கு தளத்தில் இந்த திறன் பேசி இயங்கும்.
பின்புறம் உள்ள கேமரா 48 மெகா பிக்சல் திறனுள்ளது. இத்தோடு ஒரு 50 மெகாபிக்சல் அல்ட்ரா வைட் லென்ஸ்சும், 2 மெகா பிக்சல் மோனோகிராம் சென்சாரும் உள்ளன. இதன் செல்ஃபி கேமரா 16 மெகா பிக்ஸல் திறனுள்ள சோனி ஐஎம்எக்ஸ் 471 செல்பிஃ கேமரா ஆகும்.
4500 எம்ஏஹெச் திறன் கொண்ட பேட்டரி இதில் உள்ளது. பாஸ்ட் சார்ஜ் செய்யவும் இந்தக் கைபேசி ஒத்துழைக்கும்.
டால்பி அட்மோஸ் அம்சம் கொண்ட டூயல் ஸ்டீரியோ ஸ்பீக்கர்கள் இதில் உள்ளன. அதனால் பாட்டு கேட்கும் அனுபவமும் சிறப்பாக இருக்கும்.
5ஜி, 4ஜி ஆகிய இரண்டுவகை அலைக்கற்றைகளிலும் இதனால் இயங்க முடியும். இவை தவிர வைபை 6, புளூடூத் 5.2 போன்ற அம்சங்களும் உள்ளன.
நமது நிருபர்.