அஜித் நடிக்கும் வலிமை’ படத்தின் முதல் பாடல் ரிலீஸ் எப்போது என்ற அப்டேட் வெளியாகியுள்ளது.
நேர்கொண்ட பார்வை படத்தையடுத்து வினோத் இயக்கத்தில் அஜித் நடிப்பில் உருவாகி வரும் படம் வலிமை. இந்த படத்தை போனி கபூர் தயாரிக்கிறார்.
இந்தப் படத்தில் கதாநாயகியாக பாலிவுட் நடிகை ஹுமா குரேஷி நடிக்கிறார். யுவன் சங்கர் ராஜா இசையமைத்துள்ள இப்படத்திற்கு நிரவ் ஷா ஒளிப்பதிவு செய்துள்ளார்.
சில தினங்களுக்கு முன்பு வலிமை படத்தின் மோஷன் போஸ்டர், பர்ஸ்ட் லுக் போஸ்டர்கள் என அப்டேட்கள் வெளிவந்தன.
இரண்டு வருடங்களாக அப்டேட் கேட்டு வந்த ரசிகர்களுக்கு மோஷன் போஸ்டர், பர்ஸ்ட் லுக், ஸ்பெஷல் போஸ்டர்கள் என அப்டேட்களை அள்ளிதெளித்து ரசிகர்களை குஷிப்படுத்தினர்.அதையடுத்து வலிமை படத்தின் முதல் பாடலுக்கு அதிக எதிர்பார்ப்பு நிலவி வருகிறது.
இந்நிலையில் வலிமை படத்தின் முதல் பாடல் ஆகஸ்ட் 3-ம் தேதி ரிலீஸாக உள்ளதாக தகவல்கள் கசிந்துள்ளன.நடிகர் அஜித் திரையுலகுக்கு வந்து வருகிற ஆகஸ்ட் 3-ம் தேதியுடன் 29 வருடங்கள் நிறைவடைகின்றன.
இதனை முன்னிட்டு சினிமா ரசிகர்களும் தல அஜித் ரசிகர்களும் #29YearsOfAJITHISM என்ற ஹேஸ்டேக்கை உருவாக்கி ட்விட்டரில் ட்ரெண்ட் செய்து வருகின்றனர்.
இந்த 29வது வருடத்தை முன்னிட்டு வலிமை படத்தின் அடுத்த சிங்கிள் பாடல் வெளியாகும் என தகவல்கள் தெரிவிக்கின்றன.
ஃபர்ஸ்ட் சிங்கிள் அப்டேட் கிடைத்துள்ளதை அடுத்து அஜித் ரசிகர்கள் சமூக வலைத்தளங்களில் கொண்டாட ஆரம்பித்துள்ளனர்.
