நடிகர் சிம்பு நடித்துள்ள மாநாடு படத்தின் ரிலீஸ் தேதி அறிவிக்கப்பட்டுள்ளது.
சுரேஷ் காமாட்சி தயாரிப்பில் வெங்கட் பிரபு இயக்கத்தில் நடிகர்கள் சிம்பு, எஸ்.ஜே.சூர்யா,கல்யாணி பிரியதர்ஷன், எஸ்.ஏ.சந்திரசேகர், கருணாகரன், பிரேம்ஜி ஆகியோர் நடிப்பில் உருவாகியுள்ள படம் மாநாடு. இப்படத்திற்கு யுவன் சங்கர் ராஜா இசையமைக்கிறார்.
இப்படத்தின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வரும் நிலையில் மாநாடு படம் தீபாவளி தினத்தன்று திரைக்கு வரும் என அறிவிக்கப்பட்டுள்ளது. இதனை அவரது ரசிகர்கள் சமூக வலைத்தளங்களில் கொண்டாடி வருகின்றனர்.
ஏற்கனவே 2021 ஆம் ஆண்டு தீபாவளிக்கு ரஜினியின் அண்ணாத்த படமும், அஜித்தின் வலிமை படமும் வெளியாகவுள்ள நிலையில் சிம்புவும் இணைந்துள்ளது சினிமா ரசிகர்களை பெரும் எதிர்பார்ப்பில் ஆழ்த்தியுள்ளது.
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்