தமிழகத்தில் ஊரடங்கு மேலும் ஒரு வாரம் நீட்டிக்கப்பட்டுள்ள நிலையில் புதிய கூடுதல் தளர்வுகள் இன்று அமலுக்கு வந்தது.
தமிழகத்தில் பாதிப்பு குறைந்து வரும் நிலையில் அரசு ஊரடங்கை மேலும் ஒருவாரம் நீட்டித்து கூடுதல் தளர்வுகளை அளித்து சில தினங்களுக்கு முன் உத்தரவிட்டது.
அதன்படி தமிழகத்தில் இருந்துபுதுச்சேரிக்கான பேருந்து சேவையை தொடங்க அனுமதி அளிக்கப்பட்டுள்ளது.
மேலும் வேலைவாய்ப்பு தொடர்பான எழுத்துத் தேர்வுகள், உணவகங்கள், தேநீர் கடைகள்,50% வாடிக்கையாளர்களுடன் இரவு 9 மணிவரை செயல்படலாம் என அனுமதி அளிக்கப்பட்டுள்ளது.
அதேபோல் சர்வதேச விமான போக்குவரத்து, தியேட்டர்கள், மதுபான பார்கள், நீச்சல் குளங்கள், சமுதாயம், அரசியல் சார்ந்த கூட்டங்கள், பள்ளி மற்றும் கல்லூரிகள், உயிரியல் பூங்காக்கள் ஆகியவற்றிற்கு தடை விதிக்கப்பட்டுள்ளது.
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்