நடிகை நயன்தாரா நடித்துள்ள நெற்றிக்கண் படத்தின் டைட்டில் பாடல் வெளியாகியுள்ளது. இயக்குநர் விக்னேஷ் சிவன் தயாரிப்பில் நடிகை நயன்தாரா நடிக்கும் படம் “நெற்றிக்கண்”.
இந்தத் திரைப்படத்தில் அஜ்மல், மணிகண்டன், சரண் உள்ளிட்ட பலர் நடித்துள்ளனர். கிரிஷ் கோபாலகிருஷ்ணன் இசையமைத்துள்ள இப்படத்தை அவள் படத்தை இயக்கிய மிலிந்த் ராவ் இயக்கியுள்ளார்.
கடந்த ஜூலை 29 ஆம் தேதி இதன் டிரெய்லர் வெளியாகி ரசிகர்களிடம் பெரும் வரவேற்பை பெற்ற நிலையில், இப்படம் ஆகஸ்ட் 13 ஆம் தேதி டிஸ்னி ப்ளஸ் ஹாட்ஸ்டார் தளத்தில் வெளியாகும் என அறிவிக்கப்பட்டுள்ளது.
இதனிடையே படத்தின் டைட்டில் பாடல் இன்று வெளியாகும் என அறிவிக்கப்பட்டது. இதனால் நயன்தாரா ரசிகர்கள் மிகுந்த எதிர்பார்ப்பில் காத்திருந்தனர்.
இந்நிலையில் தற்போது வெளியாகியுள்ள இப்பாடலை விக்னேஷ் சிவன் எழுத பூர்வி கௌட்டிஷ் பாடியுள்ளார். இப்பாடல் ரசிகர்களிடம் பெரும் வரவேற்பை பெற்றுள்ளது.
