சூப்பர் ஸ்டார் ரஜினிகாந்த் நடிக்கும் அண்ணாத்த படத்தின் ஃபர்ஸ்ட் லுக் போஸ்டர் வெளியாகியுள்ளது.
சன் பிக்சர்ஸ் தயாரிப்பில் சிறுத்தை சிவா இயக்கத்தில் உருவாகியுள்ள அண்ணாத்த படத்தில் நடிகர் ரஜினிகாந்த், நடிகைகள் நயன்தாரா, கீர்த்தி சுரேஷ், குஷ்பு, மீனா, பிரகாஷ்ராஜ், சூரி,சதீஷ் என பல நட்சத்திரங்கள் நடித்துள்ளனர்.
டி.இமான் இசையமைத்துள்ள இப்படம் நவம்பர் 4 ஆம் தேதி தீபாவளிக்கு வெளியாகும் என்று அறிவிக்கப்பட்டுள்ளது.
இதனையடுத்து படத்தின் ஃபர்ஸ்ட் லுக் போஸ்டர் மற்றும் மோஷன் போஸ்டர் ஆகியவை விநாயகர் சதுர்த்தி தினமான இன்று வெளியாகும் என நேற்று அறிவிப்பு வெளியானது. உடனே சமூக வலைத்தளங்களில் கொண்டாட்டங்கள் களைக்கட்ட தொடங்கின.
இந்நிலையில் அண்ணாத்த படத்தின் ஃபர்ஸ்ட் லுக் போஸ்டர் வெளியாகியுள்ளது.இதில் வேட்டி சட்டையில் ரஜினி தனது வழக்கமான மாஸ் லுக்கில் சிரிப்பது போல படம் இடம்பெற்றுள்ளது.
அவருக்குப் பின்னால் திருவிழாவில் ஏதோ பாடலில் இடம் பெற்றுள்ள காட்சி ஒன்று உள்ளது. அநேகமாக ரஜினியின் அறிமுக பாடலில் இந்தக் காட்சி இடம்பெற்றிருக்கும் என எதிர்பார்க்கப்படுகிறது.