நடிகை ஓவியா நடித்துள்ள புதிய வெப் தொடர் இன்று முதல் யூ-டியூப் இணையதளத்தில் ஒளிபரப்பாக உள்ளது.
களவாணி, கலகலப்பு போன்ற படங்களில் நடித்த நடிகை ஓவியா பிரபல தனியார் தொலைக்காட்சி நடத்திய பிக்பாஸ் நிகழ்ச்சியின் மூலம் தமிழக மக்களிடையே மிகப் பெரிய அளவில் பிரபலமானார்.
அவருடைய பெயரில் ஆர்மி தொடங்கப்பட்டது தனிக்கதை. இதன்பிறகு 90 எம்.எல்., காஞ்சனா-3 ஆகிய படங்களில் நடித்த அவர் தற்போது வெப் தொடர் களில் நடிக்க தொடங்கியுள்ளார்.
“மெர்லின்” என பெயரிடப்பட்டுள்ள இந்தத் தொடர் இன்று (ஜூன் 5 ஆம் தேதி) முதல் ஆரஞ்சு மிட்டாய் என்ற யூ-ட்யூப் பக்கத்தில் ஒளிபரப்பாக உள்ளது.
2 ஆண்டுகளுக்கு பிறகு ஓவியா நடிப்பில் வெளியாகும் இந்த தொடரை காண அவரது ரசிகர்கள் ஆவலுடன் காத்திருக்கின்றனர் என்பது குறிப்பிடத்தக்கது.
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்