பழம்பெரும் நடிகை ஜெயந்தி உடல்நலக் குறைவு காரணமாக பெங்களூருவில் இன்று காலமானார்.
தென்னிந்திய சினிமாவின் 1960 முதல் 80 வரையிலான காலகட்டத்தில் முன்னணி நடிகையாக வலம் வந்தவர் நடிகை ஜெயந்தி.
‘எதிர்நீச்சல்’, ‘இரு கோடுகள்’, ‘பாமா விஜயம்’, ‘வெள்ளி விழா’, ’அன்னை காளிகாம்பாள்’ உட்பட ஏராளமான படங்களில் நடித்து புகழ்பெற்றவர் நடிகை ஜெயந்தி.
தமிழ், மலையாளம், கன்னடம், இந்தி உள்ளிட்ட பல மொழிகளில் 500க்கும் மேற்பட்ட படங்களில் நடித்துள்ள இவர், சிறந்த நடிப்புக்காக 7 முறை கர்நாடக மாநில அரசு விருதுகளை வென்றுள்ளார்.
கடந்த சில ஆண்டுகளாக ஆஸ்துமாவால் அவதிப்பட்டு வந்த ஜெயந்தி சினிமாவை விட்டு விலகியிருந்த நிலையில், 76 வயதில் உடல்நலக்குறைவால் இன்று காலை பெங்களூருவில் காலமானார். அவரது மறைவுக்கு திரையுலகினரும், ரசிகர்களும் இரங்கல் தெரிவித்து வருகின்றனர்.
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்