நடிகர் அஜித் நடித்துள்ள வலிமை படத்தின் முதல் பாடல் வெளியாகியுள்ள நிலையில், அதனை ரசிகர்கள் கொண்டாடி வருகின்றனர்.
நேர்கொண்ட பார்வை படத்திற்கு பிறகு நடிகர் அஜித், இயக்குநர் எச்.வினோத், தயாரிப்பாளர் போனிகபூர் ஆகியோர் வலிமை படத்தின் மூலம் மீண்டும் இணைந்துள்ளனர்.
![](https://meiezhuththu.com/wp-content/uploads/2021/08/E70_FCqVkAEe-aN-1024x1024.jpeg)
![](https://meiezhuththu.com/wp-content/uploads/2021/08/E70_FCqVkAEe-aN-1024x1024.jpeg)
இப்படத்திற்கு யுவன் சங்கர் ராஜா இசையமைக்கும் நிலையில், சமீபத்தில் ஃபர்ஸ்ட் லுக் மற்றும் மோஷன் போஸ்டர்கள் வெளியாகி பெரும் வரவேற்பை பெற்றது.
இதனிடையே அஜித் திரையுலகில் அறிமுகமாகி 30 ஆண்டுகள் ஆனதை கொண்டாடும் வகையில் வலிமை படத்தின் முதல் பாடல் ஆகஸ்ட் 2 ஆம் தேதி இரவு 10.45 மணிக்கு வெளியாகும் என அறிவிப்பு வெளியானது.
இதனால் காலை முதலே சமூக வலைத்தளங்கள் களைக்கட்ட தொடங்கின. இரவில் பாடல் ரிலீசானதை தொடர்ந்து ரசிகர்கள் கொண்டாட்டத்தில் ஈடுபட்டு வருகின்றனர்.
![](https://meiezhuththu.com/wp-content/uploads/2021/08/E71KId0UcAIxpnL-1024x445.jpeg)
![](https://meiezhuththu.com/wp-content/uploads/2021/08/E71KId0UcAIxpnL-1024x445.jpeg)
இயக்குனர் விக்னேஷ் சிவன் எழுதியுள்ள இப்பாடல் நட்பு மற்றும் வாழ்க்கை ஆகியவை பற்றிய வரிகள் அனைவரையும் கவரும் வண்ணம் இடம் பெற்றுள்ளன.
மேலும் படப்பிடிப்பு புகைப்படங்கள், இளமையான அஜித் என வலிமை படத்தின் இந்த பாடலுக்கு தியேட்டர்கள் தெறிக்கும் என ரசிகர்கள் கருத்து தெரிவித்து வருகின்றனர்.