பிக்பாஸ் லாஸ்லியா தான் நடித்துள்ள பிரண்ட்ஷிப் படத்தில் இடம்பெறவுள்ள “அடிச்சு பறக்கவிடுமா” பாடல் பாடியுள்ளதன் மூலம் பாடகியாகவும் அறிமுகமாகி உள்ளார்.
இலங்கை செய்தி வாசிப்பாளராக இருந்து வந்த லாஸ்லியா பிக்பாஸ் 3 நிகழ்ச்சி மூலம் தமிழ் ரசிகர்களிடம் அறிமுகமானார்.
இந்த நிகழ்ச்சி மூலம் தனக்கென ஒரு ரசிகர்கள் பட்டாளத்தை உருவாக்கிய லாஸ்லியா தற்போது ‘பிரண்ட்ஷிப்’ என்ற படத்தில் நடித்துள்ளார். இந்தப் படத்தில் கிரிக்கெட் வீரர் ஹர்பஜன் சிங் நடித்துள்ளார். இப்படத்தின் படப்பிடிப்பு முடிந்து பின்னணிப் பணிகள் விறுவிறுப்பாக நடைபெற்று வருகின்றன.
இப்படத்தின் ‘அடிச்சு பறக்கவிடுமா’ என்ற பாடலை லாஸ்லியா பாடியுள்ளார். இந்தப் பாடல் வெளியாகி ரசிகர்களிடையே நல்ல வரவேற்பை பெற்று வருகிறது. நடிகையாக கலக்க ஆரம்பித்துள்ள லாஸ்லியா படகியாகவும் மக்கள் மனதைக் கொள்ளை கொள்ளத் துவங்கியுள்ளார்.