நேத்து நடந்த பஞ்சாப் மற்றும் சென்னை அணியின் போட்டியில் 42 பந்துக்கு 98 ரன் எடுத்த ராகுல் வைரல் ஆனாரோ இல்லையோ, நம்ம தீபக் சஹர் வைரல் ஆயிட்டாரு.
மேட்ச் நடந்து முடிஞ்சதுக்கு அப்புறமா, ஆடியன்ஸ்ல இருக்குற ஒரு பொண்ணுகிட்ட பேசிட்டு இருந்த தீபக் சஹார், திடீர்னு தன்னோட பாக்கெட்டுல இருக்குற மோதிரத்தை எடுத்து நீட்டி, மண்டியிட்டு ஃப்ரோபோஸ் பண்ணாரு. ஸ்டேடியமே ஒரு நிமிஷம் ஆ..ன்னு பாக்குது. ஆனா நம்ம தீபக் அதையெல்லாம் கண்டுக்காம நிறைஞ்ச புன்னகையோட மோதிரத்தை நீட்ட, அந்த பொண்ணு ஷாக்குலயே ஓகே சொல்லி கைய நீட்ட, தீபக் மோதிரத்தை போட்டு கட்டி அணைத்து கொண்டார். அது சரி இப்படி ஒருத்தன் ஃப்ரோபோஸ் பண்ணா எந்த பொண்ணுதாங்க வேண்டான்னு சொல்லும்?.
பாக்கவே கண்கொள்ளாக் காட்சியாக இருந்தது. அந்த ஸ்டேடியமே சில நிமிஷத்துக்கு வேற மாதிரி ஆயிடுச்சு. என்னடா சிஎஸ்கே தோத்துடுச்சே, ராகுல் கலக்கிட்டாருல அப்டின்னு பேசிக்கிட்டு இருக்கும் போது தீபக் இப்படி ஒரு சம்பவத்தை நடத்தி ரசிகர்களை வேற மனநிலைக்கு மாத்திட்டாரு. இதுக்கு அப்புறம் மேட்ச் முடிஞ்சு, ஹோட்டலயும் ஒரு சின்ன செலிபிரேஷன் நடந்தது.
ஹோட்டல் வெளியிலயே தீபக் மற்றும் அவரோட காதலியும் சென்னை சூப்பர் கிங்ஸ் டீம்மோட கேக் வெட்டி கொண்டாடினாங்க. முதல் கேக் வெட்டி தன்னோட காதலிக்கு ஊட்டிட்டு திம்பின தீபக்க, நம்ம தோனி பின்னாடியே புடிச்சி தூக்கி அவங்க லையில இருக்குற கேக்கெல்லாம் பூசி தீபக்க ஒரு வழியா ஆக்கிட்டாங்க. இந்த வீடியோவும் இப்போ வைரல் ஆயிட்டு இருக்கு.
– சே.கஸ்தூரிபாய்