வருத்தப்படாத வாலிப சங்கம், ரஜினி முருகன் போன்ற படங்களில் நடித்த நகைச்சுவை நடிகரும் திரைப்பட இணை இயக்குநருமான பவுன்ராஜ் மாரடைப்பால் இறந்தார்.
தமிழக திரைத்துறையில் நடிகர் விவேக்கின் மரணம் மிகப் பெரிய அதிர்ச்சியை ஏற்படுத்தியது. பின்னர் சமீபத்தில் வடிவேலுவின் ’கிணத்த காணோம் சார்’ நகைச்சுவையில் காவல்துறை அதிகாரியாக நடித்த நெல்லை சிவாவும் சமீபத்தில் மாரடைப்பால் மரணமடைந்தது கூடுதல் அதிர்ச்சியாக இருந்தது.
இந்நிலையில் தற்போது வருத்தப்படாத வாலிப சங்கம், ரஜினி முருகன் போன்ற படங்களில் நடித்த நகைச்சுவை நடிகரும் திரைப்பட இணை இயக்குநருமான பவுன்ராஜ் திடீரென ஏற்பட்ட மாரடைப்பால் மரணமடைந்து உள்ளார்.
திரைப்பட இயக்குநர் கே.வி.ஆனந்த் கூட திடீரென ஏற்பட்ட மாரடைப்பால்தான் மரணம் அடைந்தார். திரைத்துறையினர் அடுத்தடுத்து மாரடைப்பால் இறப்பது பொது மக்களிடையே அதிர்ச்சியையும் துயரத்தையும் ஏற்படுத்தி உள்ளது.
– நமது நிருபர்