ஓரு அடி ஆழத்தில் 3000 ஆண்டுகள் பழமையான தங்கக் காதணி!. ஆதிச்சநல்லூரில் அடுத்த ஆச்சரியம்!.

SHARE

ஆதிச்சநல்லூர் அகழாய்வில் 3,000 ஆண்டுகள் பழமையான தங்கக் காதணி கிடைத்து உள்ளது. இதனால் தெரியவரும் தொல்லியல் செய்திகள் என்னென்ன என்று பார்ப்போம்…

இந்தியாவில் முதன்முதலில் அகழாய்வு நடந்த இடம் தமிழகத்தின் தூத்துக்குடியில் உள்ள ஆதிச்சநல்லூர் ஆகும். கி.பி.1876ஆம் ஆண்டில் இங்கு முதன்முதலாக அகழாய்வு நடந்தது. பின்னர் ஜெர்மன், பிரான்ஸ், இங்கிலாந்து நாடுகளைச் சேர்ந்த ஆய்வாளர்கள் ஆதிச்சநல்லூரில் அகழாய்வுகளை மேற்கொண்டனர். சுதந்திர இந்தியாவில் நெடுங்காலமாக ஆதிச்சநல்லூர் அகழாய்வு செய்யப்படாமல் புறக்கணிக்கப்பட்ட நிலையில் மத்திய அரசின் தொல்லியல்துறை 2004-2005ஆம் ஆண்டில் ஆதிச்சநல்லூரில் அகழாய்வு நடத்தியது, ஆனால் அகழாய்வு அறிக்கை நெடுங்காலமாக வெளியாகவில்லை. ஆதிச்ச நல்லூரில் 3800 ஆண்டுகள் பழமையான எலும்புக் கூடுகள் எடுக்கப்பட்டும் ஆய்வு அறிக்கை வெளியாகவில்லை என்பதால் சர்ச்சை எழுந்தது. இது பற்றி வழக்கும் தொடுக்கப்பட்டது.

உயர்நீதிமன்ற விசாரணையின்போது ஆதிச்சநல்லூரில் எடுக்கப்பட்ட 2 ஆய்வு மாதிரிகளின் ஆண்டுகளை மட்டும் மத்திய தொல்லியல்துறை வெளியிட்டது. அதனால்  முதல் மாதிரி  கி.மு. 905, மற்றொன்றின் வயது கி.மு. 791 எனத் தெரியவந்து. 

பின்னர் தமிழக தொல்லியல்துறை ஆதிச்சநல்லூரிலும் அதனைச் சுற்றியுள்ள தொல்லியல் களங்களிலும் அகழாய்வுகளை நடத்தி வருகின்றது. ஆதிச்சநல்லூருக்கு அருகே சிவகளைப் பறம்புப் பகுதியில் வெளிப்பட்ட முதுமக்கள் தாழி ஒன்றில் கண்டுபிடிக்கப்பட்ட நெல்மணிகள் அமெரிக்க நாட்டின் மயாமி நகரத்தில் அமைந்திருக்கும் உலகப் புகழ்பெற்ற பீட்டா அனாலிட்டிகல் லேபரட்டரி-க்கு பரிசோதனைக்காக அனுப்பப்பட்டன. அதன் ஆய்வு முடிவுகள் சமீபத்தில் கிடைத்துள்ளன. AMS Carbon dating – முறையில் ஆய்வு செய்ததில் முதுமக்கள் தாழியில் கண்டெடுக்கப்பட்ட நெல்மணிகளின் காலம் கி.மு.1144எனக் கண்டறியப்பட்டு உள்ளது.

ஆதிச்சநல்லூரில் அலெக்ஸாண்டர் ரியா அகழாய்வு மேற்கொண்டபோது அவருக்கு தங்கம், வெங்கலம் ஆகிய உலோகங்களால் ஆன பொருட்கள் அதிகம் கிடைத்தன. ஆனால் இந்திய தொல்லியல்துறையினர் மற்றும் தமிழக தொல்லியல்துறையினரின் அகழாய்வுகளில் அவை அதிகம் கிடைக்கவில்லை. அலெக்ஸாண்டர் ரியா இந்தப் புதைமேட்டின் மையப் பகுதியாக எதைச் சொன்னார்? – என்றுகண்டுபிடிக்க தமிழக தொல்லியல்துறை பெரிதும் முயன்று வந்தது.

இந்நிலையில்தான் ஆதிச்சநல்லூரில் அலெக்ஸாண்டர் ரியா ஆய்வு செய்த சி-சைட் பகுதியில் தங்கத்தால் ஆன 20 கேரட் தூய்மையுள்ள பண்டைய காதணி கிடைத்துள்ளது, இது 3000 ஆண்டுகள் பழமையானதாகக் கணிக்கப்பட்டு உள்ளது. 

மேலும் இந்தக் காதணி வெறும் ஓரடி ஆழத்தில் கிடைத்திருப்பதால், இன்னும் பல முக்கியமான தொல்லியல் பொருட்கள் இந்த இடத்தில் இருந்து கிடைக்கும் என எதிர்பார்க்கப்படுகின்றது. அந்த அளவில் இந்த தங்கக் காதணி கூடுதல் முக்கியத்துவம் பெறுகிறது.


SHARE
செய்திகளை உடனுக்குடன் தெரிந்துகொள்ள மெய் எழுத்து Telegram சேனலில் சேரவும்

Related posts

இ -பதிவில் தவறான தகவல் அளித்தால் கிரிமினல் நடவடிக்கை எடுக்கப்படும்.. தமிழக அரசு எச்சரிக்கை

Admin

தமிழகத்தில் மீண்டும் அதிகரிக்கும் கொரோனா… மாவட்ட ஆட்சியர்களுக்கு எச்சரிக்கை…

Admin

பத்திரப்பதிவு செய்பவர்கள் கவனத்திற்கு…. தமிழக அரசு வெளியிட்ட அதிரடி அறிவிப்பு

Admin

தமிழ்நாட்டின் தடகளத் தங்கமகனுக்கு ரூ. 2 கோடி ஊக்கப்பரிசு : மு.க.ஸ்டாலின்!

Admin

இறப்பு பதிவில் காலதாமதக் கட்டணம் ரத்து – மு.க.ஸ்டாலின் அதிரடி அறிவிப்பு

Admin

உள்ளாட்சி தேர்தல் தொடர்பாக அதிமுக ஆலோசனை..!!!

Admin

வங்கக்கடலில் புயல்: தமிழகத்திற்கு மத்திய சுகாதாரத்துறை எச்சரிக்கை

போலீசார் அரசுப்பேருந்தில் இலவசமாக பயணிக்கக்கூடாது: டிஜிபி சைலேந்திர பாபு உத்தரவு

Admin

ஊருல யாருக்கும் கொரோனா வரலை… எல்லாம் அம்மன் மகிமை… நன்றி தெரிவித்த மக்கள்

Admin

பேரறிவாளனுக்கு வழங்கப்பட்ட பரோலை நீடிக்க வேண்டும்- அற்புதம்மாள் கோரிக்கை

Admin

’காற்றோட கலந்தாலும் அதுதான் நம் அடையாளம்…’ – பொற்பனைக்கோட்டை அகழாய்வில் சங்ககாலக் கால்வாய் கண்டுபிடிப்பு

Admin

Leave a Comment